فرمان الہی
نماز کے اوقات
صدر مسلم لیگ ن شہباز شریف کا کہنا ہے کہ میجر محمد اصغر کے اہل خانہ سے ہمدردی کا اظہار کرتا ہوں۔
پاکستان مسلم لیگ ن کے صدر اور قائد حزب اختلاف شہباز شریف نے میجر محمد اصغر کی شہادت پر بیان جاری کرتے ہوئے کہا کہ ہمارے بہادر بیٹے اور بیٹیاں فرض کی ادائیگی کے لیے اپنی جانیں دے رہے ہیں۔
یہ بھی پڑھیے: کورونا سے پاک فوج میں پہلی شہادت، میجر محمد اصغر شہید
شہباز شریف نے اپنے بیان میں کہا کہ وہ افواج پاکستان، ڈاکٹرز اور طبی عملے کو خراج تحسین پیش کرتے ہیں۔ انہوں نے کہا کہ افواج پاکستان، ڈاکٹرز اور طبی عملہ قوم کو بچانے کے لیے برسرِپیکار ہیں۔
شہباز شریف نے میجر محمد اصغر کے لیے دعا کرتے ہوئے کہا کہ اللہ تعالیٰ شہید کے درجات بلند فرمائے اور پسماندگان کو صبر جمیل دے۔
دوسری جانب وزیر اعلیٰ پنجاب سردار عثمان بزدار کی جانب سے بھی شہید میجر محمد اصغر کے لواحقین سے دلی ہمدردی و اظہار تعزیت کی گئی ہے۔
یہ بھی پڑھیے: شہیدمیجر اصغر کی خدمات کو ہمیشہ یاد رکھاجائے گا
انہوں نے کہا کہ قوم کا ہر فرد شہید میجر محمد اصغر کو سلام پیش کرتا ہے، شہید میجر محمد اصغر نے فرائض کی ادائیگی کے دوران شہادت کا بلند رتبہ پایا، شہید میجر محمد اصغر کی خدمات کو ہمیشہ یاد رکھاجائے گا۔
واضح رہے کہ پاک فوج کے میجر محمد اصغر کورونا کے خلاف فرائض انجام دیتے ہوئے شہید ہوئے۔ شہید میجر محمد اصغر طورخم بارڈر پرمسافروں کی اسکریننگ کے فرائض سرانجام دے رہے تھے۔
