فرمان الہی
نماز کے اوقات
کراچی(آئی این پی ٹی وی رپورٹ) سابق صدر اورپیپلزپارٹی کے شریک چیئرمین آصف زرداری نے کہاہے کہ وزیراعظم عمران خان مشرف کے نقش قدم پر چل رہے ہیں ،بدقسمتی سے حکمران پھر ملک کو مشرف دور کی طرف لےکر جا رہے ہیں‘حکمران پھر سے صوبوں کے آئینی اور مالیاتی اختیارات کم کرنا چاہتے ہیں،حکمرانوں نے ملک میں موجود تمام اتفاق رائے برباد کر دیا ہے‘بد قسمتی سے حکومت کورونا سے لڑنے کی بجائے اپوزیشن سے لڑ رہی ہے۔ وہ پیپلز پارٹی پنجاب کے صدر قمر زمان کائرہ سے ٹیلیفونک بات چیت کر رہے تھے انہوں نے کورونا پرفکر مندی اور حکومتی فیصلوں پر تحفظات کا اظہار کیا،۔ تفصیلات کے مطابق قمر زمان کائرہ نے سابق صدر آصف علی زرداری سے ٹیلی فونک رابطہ کیا،قمر زمان کائرہ کا کہنا ہے کہ آصف زرداری سے کورونا ، سیاسی صورتحال اور پارٹی امور پر تبادلہ خیال ہوا،صدر زرداری نے کرونا پرفکر مندی اور حکومتی فیصلوں پر تحفظات کا اظہار کیا۔
