آپ آف لائن ہیں
منگل 15؍ذیقعد 1441ھ 7؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کوروناکالر ٹیون کے پیچھے کس کی آواز؟

عالمگیر وبا کے کورونا کے دوران کورونا کالر ٹیون سے سب ہی آگاہ ہوں گے جس میں ایک خاتون کورونا وائرس سے حفاظت کے لئے ہدایات دے رہی ہیں ۔

سوشل میڈیا نے اس کالر ٹیون کے پیچھے چھپی آواز  کو ڈھونڈ نکالا ہے، یہ آواز کراچی کی رہائشی سیدہ طیبہ سحر کی ہے ۔

کسی بھی نیٹ ورک کال ملانے کی صورت میں سنی جانے والی آواز سيدہ طيبہ سحر کی ہے جو بینکر اور گزشتہ 10 سال سے پروفيشنل وائس اوور آرٹسٹ ہيں۔

سیدہ طیبہ سحر کا ایک انٹرویو میں کہنا تھا کہ’ہم نے اس خیال کو سوچتے ہوئے کالر ٹیون ترتیب دی کہ پاکستان میں بہت سے لوگوں کو سوشل میڈیا یا ٹیلی ویژن تک رسائی حاصل نہیں ہے تاہم ملک کے کونے کونے تک کورونا کی حفاظتی تدابیر کو پہنچانے کے خیال کے پیش نظر کورونا کالر ٹیون ترتیب دینے کا فیصلہ کیا گیا۔

انہوں نے کہا کہ یہ احتیاطی تدابیر خود کو محفوظ رکھنے کے لیے اہم ہیں، انہوں نے کہا کہ کورونا سے بچاؤ کیلئے خود کی حفاظت انتہائی ضروری ہے کیونکہ اگر ہم خود کی دیکھ بھال نہیں کریں گے تو دوسروں کو نقصان پہنچا سکتے ہیں۔

سحر ناصرف ایک قابل وائس اوور آرٹسٹ ہیں بلکہ نجی زندگی میں ایک قابل فخر بیوی اور ماں بھی ہیں۔

انہوں نے بتایا کہ اس کالر ٹیون کی وجہ سے لوگوں نے انہیں بہت سے ناموں سے پکارنا شروع کردیا ہے جن میں سب سے زیادہ مشہور‘ کورونا باجی ’اور’ کورونا والی باجی ‘ ہیں ۔

انہوں نے کہا کہ کورونا کالر ٹیون پر انہیں نہایت مثبت ردعمل ملا ، طیبہ کا کہنا تھا کہ ايک آواز بار بار سننے سے لوگ تنگ بھی ہوتے ہيں لیکن یہ سمجھنا ضروری ہے کہ ان ہدیات پر عمل پیرا ہونا وقت کی اہم ضرورت ہے۔

خاص رپورٹ سے مزید