کیچ: کنویں میں دھوئیں سے دم گھٹ کر 5 افراد جاں بحق

بلوچستان کے ضلع کیچ کے علاقے دشت میں کنویں کی صفائی کے دوران لگائے گئے جنریٹر کے دھوئیں سے دم گھٹنے کے باعث 5 افراد جاں بحق ہوگئے۔

جاں بحق ہونے والے پانچوں افراد کا تعلق ایک ہی خاندان سے ہے۔

ہنزہ: جنریٹر کے دھویں سے دم گھٹ کر باپ، بیٹا جاں بحق

گلگت بلتستان کی وادی ہنزہ میں ایک گھر کے کمرے میں...

لیویز حکام کے مطابق ضلع کیچ کے علاقے دشت میں کنویں کی صفائی کے دوران جنریٹر کنوئیں کے اندر رکھ کر چلایا گیا تھا، جس سے جنریٹر کا دھواں کنوئیں کے اندر بھر گیا۔

جنریٹر کے دھوئیں سے دم گھٹنے کے باعث کنویں میں موجود پانچوں افراد جاں بحق ہوگئے۔

یہ بھی پڑھیئے: ایبٹ آباد، دم گھٹ کر میاں، بیوی، بیٹا جاں بحق

جاں بحق افراد کاتعلق ایک ہی خاندان سے ہے جن میں باپ اور 2 بیٹے بھی شامل ہیں۔

لیویز حکام نے لاشیں کنوئیں سے نکال کر سول اسپتال تربت منتقل کر دی تھیں، جہاں طبی معائنے کے بعد لاشوں کو ورثاء کے حوالے کر دیا گیا۔