نوازالدین صدیقی کی اہلیہ نے ٹوئٹر کا سہارا لے لیا

 بالی ووڈ اداکار نوازالدین صدیقی کی اہلیہ عالیہ نے اپنے شوہر کے خلاف  آواز بلند کرنے کیلئے مائیکرو بلاگنگ سائٹ ٹوئٹر  کو اپنا سہارا بنا لیا۔

 فلم بجرنگی میں اپنی اداکاری کے منفرد جوہر دکھانے والےنوازالدین کی اہلیہ نے لکھا کہ ’میں سیکھ رہی ہوں کہ اپنے بچوں کی خاطر کس طرح مضبوط بننا ہے اور کس طرح اُن کی خاطر اپنی آواز کو بلند کرنے کے لیے کھڑے ہونا ہے۔‘

نوازالدین صدیقی کی اہلیہ نے لکھا کہ ’میں نے آج تک کبھی کوئی غلط کام نہیں کیا، اِس لیے مجھے کسی چیز کا خوف نہیں۔‘

عالیہ کا کہنا تھا کہ وہ اپنی ساکھ خراب کرنے والوں اور کردار کشی کرنے والوں کا کسی طور ساتھ نہیں دے سکتیں۔

آخر میں اُنہوں نے یہ بھی لکھا کہ یہ بات ہمیشہ یاد رکھنی چاہئے کہ پیسہ کبھی بھی سچ کو نہیں خرید سکتا۔

نواز الدین صدیقی کی اہلیہ کا بچوں کی کسٹڈی کا مطالبہ

بجرنگی بھائی جان، بدلہ پور اور کِک جیسی نامور بھارتی فلموں میں اپنی منفرد اداکاری کے جوہر دکھانے والے بالی ووڈ اداکار نوازالدین صدیقی کی اہلیہ عالیہ نے اپنے شوہر سے خلع کے مطالبے کے بعد بچوں کی مکمل تحویل لینے کا بھی مطالبہ کردیا۔

اِس سے قبل عالیہ نے شوہر سے خلع کے بعد بچوں کی کسٹڈی  کا مطالبہ کیا تھا.

اُنہوں نے اپنے ایک انٹرویو میں اِس بات کا انکشاف کیا تھا کہ اُن کے اور نوازالدین صدیقی کےدرمیان مسائل شادی کے فوراً بعد ہی شروع ہوگئے تھے۔

نوازالدین صدیقی کی اہلیہ کا کہنا تھا کہ اُنہوں نے اپنے بچوں کی پرورش کی ہے اِسی لیے وہ اُنہیں اپنے پاس رکھنا چاہتی ہیں۔

بھارتی اداکار نواز الدین صدیقی کی اہلیہ کا خلع کا مطالبہ

گینگ آف واسع پور، بجرنگی بھائی جان، بدلہ پور اور ان جیسی دیگر کئی کامیاب فلموں میں بہترین ادارکاری کرنے والے بالی ووڈ کے مشہور اداکار نواز الدین صدیقی کی اہلیہ عالیہ صدیقی نے ان سے خلع کا مطالبہ کردیا ہے۔

یاد رہے کہ نواز الدین صدیقی نے 2010 میں عالیہ سے شادی کی تھی، عالیہ کا تعلق ہندو مذہب سے تھا لیکن شادی کے بعد اُنہوں نے اپنا نام انجلی سے تبدیل کرکے عالیہ رکھ لیا تھا۔

عالیہ اور نوازالدین صدیقی کی ایک 9 سالہ بیٹی اور ایک 5 سالہ بیٹا بھی ہے۔