• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بحریہ ٹائون پرل کانٹی نینٹل ہوٹل راولپنڈی میں جلد کھل جائیگا

آج کا اخبار
اہم خبریں
22 مئی ، 2020
اسلام آباد (حنیف خالد) پاکستان کے دو معروف بزنس شخصیات کے مابین معاہدہ ہو گیا ہے جس کے تحت بحریہ ٹائون کے فیز 8میں ہاشو گروپ پرل کانٹی نینٹل ہوٹل عنقریب کھول دیا جائیگا۔ راولپنڈی کے مضافاتی علاقے میں پریمیم مہمان نوازی کیلئے فائیو سٹار ہوٹل کا قیام عرصہ سے ایک ضرورت بنا ہوا تھا‘ جس کیلئے بحریہ ٹائون کے چیئرمین ملک ریاض حسین نے ہاشو گروپ کے چیئرمین صدرالدین ہاشوانی کے ساتھ ایک معاہدہ کر دیا ہے جس پر دونوں بزنس ٹائیکون کے نمائندوں نے دستخط کئے۔ بحریہ ٹائون فیز 8راولپنڈی میں جدید ترین فائیو سٹار ہوٹل کے قیام سے علاقے کی ضروریات پوری ہونگی۔ ہاشو گروپ ہاسپٹلٹی ڈویژن کے چیف آپریٹنگ آفیسر حسیب گردیزی نے کہا کہ اقتصادی ترقی اور روزگار کے اہم مواقع اس سے دستیاب ہونگے جو نئے فائیو سٹار ہوٹل کی تعمیر سے علاقے میں عوام کو میسر آئے گی۔ انہوں نے مزید کہا کہ ہمیں ٹرپل اے ایسوسی ایٹس کے ساتھ شراکت میں خوشی ہوئی ہے کہ وہ بحریہ ٹائون کے ہارٹ میں اپنے پرل کانٹی نینٹل برانڈ کے ساتھ ایک اوراہم راستہ بنا سکے گا۔ ٹرپل اے ایسوسی ایٹس کے چیئرمین فواد بشیر اور منیجنگ ڈائریکٹر لیفٹیننٹ کرنل ریٹائرڈ شہزاد علی کیانی نے کہا کہ ہمیں ایک ایسے معاشرے میں شراکت کرنے کا اعزاز حاصل ہے جہاں ہمیں ایک طرز زندگی کے ساتھ وسیع مواقع اور ایک بہتر مستقبل نظر آتا ہے۔ انہوں نے مزید کہا کہ پرل کانٹی نینٹل ہوٹل بحریہ ٹائون فیز 8کے کاروباری ضلع میں کثیر المقاصد ٹرپل اے آکٹا بلڈنگ کے اندر ہو گا۔ ترقی کے تحت فائیو اسٹار ہوٹل میں کم سے کم 120کمرے اور سوئٹ، متعدد عمدہ کھانوں والے ریستوران، ایک سپا اور فٹنس سنٹر، بچوں کی سرگرمی کیلئے مقامات کے ساتھ میٹنگ روم اور بڑے ایونٹ کیلئے وسیع و عریض ایریا بھی ہو گا۔
تازہ ترین