آپ آف لائن ہیں
ہفتہ7؍شوال المکرم 1441ھ30؍مئی 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

پاکستان کی جانب سے امریکا کو طبی حفاظتی سامان کا تحفہ

امریکاکے ساتھ اظہار یکجہتی کے لئے افواج پاکستان کی جانب سےامریکی مسلح افواج کو طبی حفاظتی سامان کا تحفہ دیا گیا ہے۔

طبی حفاظتی سامان اسلام آباد سے پاک فضائیہ کے سی -130 طیارےکے ذریعے میری لینڈ کے اینڈریوایئر فورس بیس پہنچا، اس موقع پر پاکستان کے سفیر ڈاکٹر اسد مجید خان سمیت سفارتخانے کے اعلیٰ حکام بھی موجود تھے۔

امریکا کے قائم مقام اسسٹنٹ سیکرٹری برائے دفاع برائے انڈو پیسیفک سیکورٹی امور، ڈیوڈ ہیلوےسمیت ڈائریکٹر ریجنل افیئرز برائے ڈپٹی انڈر سیکرٹری آف ایئر فورس انٹرنیشنل افیئرز، بریگیڈیئر جنرل میتھیو ازلر اور دیگر عہدیدار بھی ایئرپورٹ آئے تھے۔

ڈاکٹر اسد مجید خان نے اس موقع پر کہا کہ یہ اقدام قدرتی آفات سے نمٹنے میں دونوں ممالک کی مسلح افواج کے مابین دیرینہ اور قریبی تعاون کا مظہر ہے، دونوں ممالک کی مسلح افواج نے دہشت گردی کے خلاف ملکر مقابلہ کیا ہے۔

قومی خبریں سے مزید