فرمان الہی
نماز کے اوقات
وزیر خارجہ شاہ محمود قریشی کا کہنا ہے کہ دوحہ کے امن معاہدے سے ایک مثبت پیش رفت ہوئی ہے، اللہ کشمیریوں کو کامیابی دے۔
انہوں نے کورونا سے لڑنے والے ڈاکٹرز، پیرا میڈیکس اور فورسز کو سلام پیش کیا اور سانحہ کراچی میں جاں بحق سینئر صحافی انصار نقوی کی شہادت پر دُکھ کا اظہار کرتے ہوئے کہا کہ طیارہ حادثے کی تحقیقات سے وجوہات کا تعین کیا جائے گا۔
شاہ محمود قریشی کا کہنا تھا کہ اقوام متحدہ کے جنرل سیکریٹری سے بھارت سے متعلق تفصیلی بات ہوئی ہے، سیکریٹری او آئی سی کو بھی بھارت کی حرکتوں سے آگاہ کیا۔
انہوں نے کہا کہ اسلام فوبیا میں مسلمانوں نشانہ بنایا جارہا ہے، او آئی سی کو مقبوضہ کشمیر اور فلسطین کے مسئلہ کو اجاگر کرنے کیلئے بنایا گیا تھا۔
انہوں نے کہا کہ عید کے بعد اسلام آباد میں وزارت خارجہ، کشمیر کمیٹی اور متعلقہ اداروں کا اجلاس بلاؤں گا، بھارت کو پیغام دینا چاہتا ہوں کہ ہم امن چاہتے ہیں۔
انہوں نے کہا کہ کورونا سے نمٹنے کیلئے ریجنل تعاون چاہئے، بھارت سے گزارش کی ہے کہ تعاون کی طرف جائے، بھارت نے ہماری رواداری کو کمزوری سمجھا تو غلط ہوگا، بھارت نے جارحیت کی تو منہ توڑ جواب دیا جائے گا۔
انہوں نے بتایا کہ بھارت نے بلوچستان کے ذریعہ پاکستان میں انتشار پھیلانے کی کوشش کی ہے، کلبھوشن یادو بلوچستان سے گرفتار ہوا ہے۔
ٹرائبل بیلٹ اور بلوچستان میں بھارت کی حرکتیں ہماری نظر اوجھل نہیں ہیں۔
