آپ آف لائن ہیں
منگل22؍ذیقعد 1441ھ 14؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کشمیریوں نے 5 اگست سے جاری لاک ڈاؤن میں عید گزاری، فیاض الحسن

وزیرِ اطلاعات پنجاب فیاض الحسن چوہان کاکہنا ہے کہ مقبوضہ کشمیر میں کشمیریوں نے 5 اگست سے جاری لاک ڈاؤن میں عید گزاری۔

لاہور میں وزیرِ اطلاعات پنجاب فیاض الحسن چوہان کا اپنے ایک بیان میں کہنا ہے کہ عید کے پرمسرت موقع پر بھی بھارتی ریاست جارحیت سے باز نہ آئی، ظلم و استبداد کے سائے میں عید منانے والے بہادر کشمیریوں کو ہمارا سلام ہے۔

فیاض الحسن چوہان نے کہا کہ سب جانتے ہیں کشمیریوں نے ہمیشہ پاکستان کے ساتھ عید منائی ہے۔ بھارت کشمیریوں کو ڈرا دھمکا کر خطے میں ہندو آبادکاری کی سازش کر رہا ہے۔

انہوں نے کہا کہ مودی سرکار جعلی پولیس مقابلوں اور گھروں پر حملوں سے کشمیری عوام کو دھمکا رہی ہے، کشمیری عوام اپنے آپ کو تنہا نہ سمجھیں۔

فیاض الحسن چوہان نے مزید کہا کہ وزیر اعظم عمران خان کی قیادت میں پاکستان کشمیر کا مقدمہ ہر فورم پر لڑے گا۔ 

قومی خبریں سے مزید