آپ آف لائن ہیں
جمعہ18؍ذیقعد 1441ھ 10؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وزیر صحت سندھ کی پلازما عطیہ کرنے کی اپیل

وزیر صحت سندھ کی پلازما عطیہ کرنے کی اپیل


وزیر صحت سندھ ڈاکٹر عذرا پیچوہو نے پیسوو امیونائیزیشن کے لیے پلازما عطیہ کرنے کی اپیل کردی ہے۔ وزیرصحت کا کہنا ہے کہ کورونا کے مریضوں کی تعداد تیزی سے بڑھ رہی ہے۔ جن کی زندگیاں بچانے کے لئے پلازما کی اشد ضرورت ہے۔

وزیر صحت سندھ کی جانب سے جاری ہونے والے بیان میں کہا گیا ہے کہ پیسوو امیونائیزیشن کے لیے پلازما کورونا سے صحتیاب ہونے والے مریضوں سے لیا جاتا ہے۔

انہوں نے کہا کہ کورونا سے صحتیاب ہوجانے والے افراد اس خیر کے کام میں سندھ حکومت کا ساتھ دیں۔ پیسوو امیونائیزیشن سے مریضوں کو وینٹیلیٹر پر جانے سے بچایا جا سکتا ہے۔ کورونا سے صحتیاب افراد سے جتنا ہو سکے پلازما عطیہ کریں۔

وزیر صحت سندھ کے مطابق سندھ کے ڈاکٹرز کی کاوشوں سے پیسوو امیونائیزیشن کے مثبت نتائج آ رہے ہیں، یہ عمل بلڈ ٹرنسفیوژن اتھارٹی کی نگرانی میں مکمل ایس او پیز کے ساتھ کیا جا رہا ہے۔

انہوں نے مزید کہا کہ یہ ایک قومی خدمت ہے، جس سے ملک کے دیگر صوبوں کے مریضوں کو بھی علاج میں مدد مل سکے گی۔

صحت سے مزید