رحیم یار خان: ٹڈی دل کا حملہ، فصلیں اور باغات تباہ

پنجاب کے ضلع رحیم یار خان میں ضلعی انتظامیہ کی مبینہ غفلت اور لاپروائی کے باعث ٹڈی دل نے تباہی مچادی ہے۔

ٹڈی دل کے حملے کے باعث کپاس کی فصل تباہ ہو گئی جبکہ باغات، درختوں اور گنے کی فصل کو ناقابلِ تلافی نقصان پہنچ رہا ہے۔

ملک کے مختلف اضلاع میں ٹڈی دل کے حملے، کپاس اور گنے فصلیں تباہ

کاشتکاروں نے مطالبہ کیا ہے کہ حکومت متاثرہ علاقوں میں فوری طور اسپرے کروائے۔

کسان رہنماؤں کا کہنا ہے کہ رحیم یار خان اور اس کے گرد و نواح میں ٹڈی دل نے تباہی مچا دی ہے۔

کسانوں نے ڈیڑھ ماہ قبل ٹڈیوں کے انڈوں کے خاتمے کا مطالبہ کیا تھا مگرضلعی انتظامیہ نے کسی قسم کے بھی اقدامات نہیں کیے جس کے باعث کپاس کی فصل مکمل طور پر تباہ ہوگئی ہے۔

یہ بھی پڑھیئے: بھارت میں ٹڈی دل کا 27 سالوں میں بدترین حملہ

کسان رہنماؤں نے مزید کہا کہ ٹڈی دل کے حملے کے باعث باغات، گھاس، سبزیاں، گنے کی فصل کو ناقابلِ تلافی نقصان پہنچا ہے۔

اے سی کوآرڈینیشن ریاست علی نے دعویٰ کیا ہے کہ ٹڈی دل کے حملہ آور علاقوں میں اسپرے کرایا جا رہا ہے اور ٹڈی دل کو تلف کیا جا رہا ہے۔