آپ آف لائن ہیں
منگل22؍ذیقعد 1441ھ 14؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

منگنی توڑنے پر لڑکے نے سابقہ منگیتر پر تیزاب پھینک دیا


فیصل آباد میں منگنی توڑنے کی رنجش پر نوجوان نے سابق منگیتر پر تیزاب پھینک دیا، متاثرہ لڑکی کو تشویشناک حالت میں اسپتال منتقل کردیا گیا۔

پولیس ذرائع کے مطابق بہاولپور کے رہائشی نوجوان نے جڑانوالہ کے علاقے میں جواں سالہ لڑکی مریم پر تیزاب پھینک دیا ، متاثرہ لڑکی کو الائیڈ اسپتال منتقل کردیا گیا ہے ۔

ڈاکٹرز کے مطابق لڑکی کا چہرہ اور جسم کا کچھ حصہ تیزاب سے جھلسنے سے متاثر ہوا ہے ۔

پولیس کے مطابق ملزم کامران کی متاثرہ لڑکی سے کچھ عرصہ قبل منگنی ہوئی تھی تاہم بعد ازاں لڑکی کے والدین نے منگنی توڑ دی اور اسی بناء پر اس نے لڑکی پر تیزاب پھینک دیا۔

سی پی او محمد سہیل چوہدری نے واقعہ کا نوٹس لے کر ایس پی جڑانوالہ کو واقعہ کا مقدمہ درج کر کے ملزم کی گرفتاری کا حکم دےدیا ہے۔

قومی خبریں سے مزید