آپ آف لائن ہیں
پیر14؍ذیقعد 1441ھ 6؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

جمی کمیل کی نسلی کشیدگی پر ڈونلڈ ٹرمپ کے جملوں کی مذمت

واشنگٹن(مانیٹرنگ ڈیسک)امریکی ٹیلی ویژن میزبان اور مزاحیہ اداکار جمی کمیل بھی دنیا بھر میں موجود ان مشہور شخصیات میں شامل ہوگئے ہیں جنھوں نے امریکا بھر میں بڑھتی ہوئی نسلی کشیدگی کے دوران امریکی صدر ڈونلڈ ٹرمپ کے جملوں کی مذمت کی ہے۔ایک ٹاک شو کے میزبان جمی کمیل نے اپنی بات جارج فلوئید کی افسوسناک موت سے شروع کی، جس میں ویڈیو میں فلوئیڈ پر پولیس افسر ڈیرک چوون حملہ آور ہوا اور آٹھ منٹ تک فلوئیڈ کی گردن پر اپنا گھٹنا سختی سے دبا کر بیٹھا رہا۔جمی کمیل کا کہنا تھا کہ صدر ٹرمپ نے اس تشدد کو ملک بھر اپنے ٹوئٹ کے ذریعے پھیلایا۔واضح رہے کہ صدر ٹرمپ نے ٹوئٹ میں لکھا تھا کہ یہ ٹھگ جارج فلوئیڈ کی موت کو اپنے مقصد کے لیے استعمال کر رہے ہیں، میں اس کی اجازت نہیں دونگا۔ انہوں نے یہ بھی لکھا تھا کہ ’میں نے گورنر ٹم والز سے بات کی ہے اور انھیں کہا ہے کہ فوج آپکے ساتھ ہے، کوئی مشکل ہوئی تو ہم کنٹرول کرلینگے، لیکن جب لوٹ مار شروع ہوتو، فائرنگ بھی شروع ہو۔تاہم اپنے شو کے دوران جمی کمیل نے جیسے ہی یہ کہا کہ امریکا میں نسلی اقدامات بڑھ رہے ہیں تو انھوں نے اپنی گن کا رخ صدر کی تصویر کی جانب کیا۔

دل لگی سے مزید