• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شدید کشیدگی کے باوجود امریکا اور ایران میں قیدیوں کا تبادلہ

آج کا اخبار
اہم خبریں
03 جون ، 2020
کراچی (نیوزڈیسک )شدید کشیدگی کے باوجود امریکا اور ایران میں قیدیوں کا تبادلہ کیا جارہا ہے۔ایرانی وزیر خارجہ جواد ظریف نے منگل کے روز انسٹاگرام پر ایک پوسٹ کرتے ہوئے تصدیق کی ہے کہ ایرانی پروفیسر سیروس عسگری کا جہاز امریکا سے روانہ ہو چکا ہے۔ بڑھتی ہوئی دوطرفہ کشیدگی کے باوجود تہران اور واشنگٹن حالیہ برسوں کے دوران کم از کم دو مرتبہ قیدیوں کا تبادلہ کر چکے ہیں۔ سن دو ہزار سولہ میں امریکا نے واشنگٹن پوسٹ کے صحافی جیسن رضائیان کی رہائی کے بدلے ایسے سات ایرانی شہریوں کو رہا کیا تھا، جو امریکا میں قید تھے۔ اسی طرح گزشتہ برس دسمبر میں ایرانی سائنسدان مسعود سلیمانی کے بدلے ایران نے چینی نژاد امریکی ماہر تعلیم ژیو وانگ کو رہا کیا تھا۔
تازہ ترین