آپ آف لائن ہیں
جمعہ11؍ذیقعد 1441ھ 3؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ہماری قوم کورونا کو ڈرامہ اور ارطغرل کو حقیقت سمجھتی ہے، فیصل قریشی

معروف اداکار  و میزبان فیصل قریشی بھی ترک سیریز ’ارطغرل غازی‘ کے کرداروں پر تنقید کرنے والوں میں شامل ہوگئے ہیں۔

فوٹو اور ویڈیو شیئرنگ ایپ انسٹاگرام پر فیصل قریشی نے اسٹوری لگاتے ہوئے لکھا کہ ’یہ سچ ہے کہ ہم وہ قوم ہیں جسے کورونا وائرس تو ایک ڈرامہ لگتا ہے لیکن ہم ارطغرل کو حقیقت سمجھتے ہیں۔‘

فیصل قریشی نے اپنے اگلی انسٹاگرام اسٹوری میں وضاحت دیتے ہوئے کہا کہ ’میں نے اپنی گزشتہ انسٹاگرام اسٹوری میں جو کہا ہے وہ ارطغرل غازی ڈرامہ کے کرداروں کے بارے میں کہا ہے۔‘

اداکار نے اپنی ایک اور انسٹاگرام اسٹوری میں پاکستان میں کورونا وائرس کیسز کے اعدادو شمار شیئر کیے جس کے آخر میں لکھا تھا کہ نظر انداز کرنے کے لیے آپ سب کا بہت شکریہ۔

یاد رہے کہ پاکستانی عوام کی جانب سے شہرہ آفاق ترک سیریز ’ارطغرل غازی‘ کو بےحد پسند کیا جارہا ہے جبکہ دوسری جانب پاکستان شوبز انڈسٹری کے بہت سے نامور فنکار ایسے ہیں جو ارطغرل غازی کے پاکستان میں نشر کیے جانے پر ناخوش ہیں اور اِس کا اظہار وہ اپنے مختلف سوشل میڈیا پیغامات سے کرتےنظر آرہے ہیں۔

پاکستان میں کورونا وائرس کے کیسز کی تعداد 85 ہزار 264 ہو چکی ہے، اس موذی وباء سے 24 گھنٹےمیں مزید 82 افراد جان کی بازی ہار گئے ہیں جس کے بعد جاں بحق افراد کی کُل تعداد 1 ہزار 770 ہو گئی ہے۔

انٹرٹینمنٹ سے مزید