آپ آف لائن ہیں
ہفتہ19؍ذیقعد 1441ھ11؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اراکین قومی اسمبلی سماجی فاصلے کا خیال رکھیں، اسپیکر اسد قیصر

اسپیکر قومی اسمبلی اسد قیصر نے اسمبلی اجلاس کے دوران کورونا وائرس سے ایس او پیز نظر انداز کرنے پر اراکین قومی اسمبلی پر برہم ہوگئے۔

اسلام آباد میں ہو نے والے قومی اسمبلی اجلاس کے دوران اسپیکر اسد قیصر نے رکن اسمبلی جنید خان کو ماسک نہ پہننے پر برہمی کا اظہار کیا اور اُنہیں ماسک پہننے کی ہدایت کی۔

اُن کا کہنا تھا کہ تمام اراکین پروٹوکول کا خیال رکھیں، اپنے اوپر اور پوری قوم پر رحم کریں۔

انہوں نے کہا کہ جس نے آپس میں بات کرنی ہے ایوان سے باہر چلا جائے، اسپیکر قومی اسمبلی نے مزید کہا کہ رانا ثنااللّٰہ صاحب آپ بہت قریب ہوگئے ہیں، سماجی فاصلہ رکھیں۔

 واضح رہے کہ مسلم لیگ ن کے رہنما رانا ثنا اللّٰہ رکن قومی اسمبلی برجیس طاہر سے سرگوشی کر رہے تھے۔

اسپیکر نے کہا کہ آپ لوگ خود اپنے دشمن بن رہے ہیں، ایسے میں اجلاس ختم کر دون گا، اسپیکر قومی اسمبلی کا مزید کہنا تھا کہ میرے اہلخانہ نے یہ تکلیف بھگتی ہے، مجھے اندازہ ہے۔

قومی خبریں سے مزید