آپ آف لائن ہیں
منگل 15؍ذیقعد 1441ھ 7؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بلوچستان اپنے پاؤں پر کھڑا ہوگیا تو دنیا ہم سے امداد لے گی، شاہد آفریدی


قومی کرکٹ ٹیم کے سابق آل راؤنڈر شاہد آفریدی کا کہنا ہے کہ جس دن بلوچستان اپنے پاؤں پر کھڑا ہوگیا دنیا پاکستان سے امداد لے گی۔

چیمبر آف کامرس کوئٹہ کے عہدیداروں سے خطاب کرتے ہوئے قومی کرکٹ ٹیم کے سابق آل راؤنڈر شاہد آفریدی نے کہا کہ جس دن ہم آپس میں ایک ہوئے تو دشمن کو شکست ہوگی۔

انہوں نے کہا کہ بلوچستان کو کیوں نظر انداز کیا گیا ہے، یہاں ٹیلنٹ بہت ہے، مگر سہولیات کا فقدان ہے، اب ہمیں پرانی باتوں کو بھلا کر آگے بڑھنے کی ضرورت ہے۔

شاہد آفریدی نے کہا کہ انہوں نے ایک بچے کے پاؤں سے کانٹے نکال کر اسے جوتا پہنایا جس سے بہت خوشی ملی،تاہم میری کوششوں کو سیاسی رنگ نہیں دینا چاہیے۔

اس موقع پر وہاں موجود رہنماء چیمبر آف کامرس بدر الدین نے کہا کہ شاہد آفریدی مشکل وقت میں آج بھی اپنا کردار ادا کر رہے ہیں۔

کھیلوں کی خبریں سے مزید