ڈیزل، پیٹرول کی ذخیرہ اندوزی، 2 کمپنیوں کیخلاف کارروائی کا فیصلہ

12 جون ، 2020

وزارت پیٹرولیم نے ڈیزل اور پیٹرول کی ذخیرہ اندوزی کے الزام میں 2کمپنیوں کے خلاف ایف آئی آر درج کرانے کا فیصلہ کیا ہے۔

حکومت سندھ کے نام خط میں وزارت پیٹرولیم نے کہا ہے کہ حیسکول اور آئل اینڈ گیس کمپنی پیٹرول کی قلت کی ذمہ دار پائی گئی ہیں۔

وزارت پیٹرولیم کے مطابق دونوں کمپنیوں نے ذخیرہ اندوزی سے قلت پیدا کی ہے، ان کمپنیوں کی ملی بھگت پکڑی گئی ہے۔

سندھ حکومت کے نام خط میں وزارت پیٹرولیم نے مزید لکھا کہ صوبائی حکومت مقدمہ درج کرائے اور دونوں کمپنیوں کو سیل کرے۔

علاوہ ازیں ملک میں پیٹرولیم بحران کے بعد ایف آئی اے نے آئل کمپنیز کے سربراہان کو طلب کرلیا ہے۔

ایف آئی اے حکام کے مطابق ملک میں جاری پیٹرولیم بحران کے بعد وزیراعظم کی ہدایت پر ایف آئی اے نے تحقیقات کا آغاز کردیا ہے، جس کے بعد 3 مختلف آئل کمپنیز کے سربراہان کو نوٹس جاری کیا ہے۔

تازہ ترین