فرمان الہی
نماز کے اوقات
بلوچستان میں پچھلے 24 گھنٹوں کے دوران 6 مزید مریضوں کے انتقال کرجانے سے کورونا سے جاں بحق افراد کی تعداد 99 ہوگئی، جبکہ صوبے کے 10اضلاع سے کورونا کے 204 نئے کیسز رپورٹ ہونے سے مصدقہ کیسز کی تعداد 8998 ہوگئی، صوبے میں کورونا میں مبتلا 89 مریض صحت یاب بھی ہوگئے۔
محکمہ صحت بلوچستان کی جاری کردہ رپورٹ کے مطابق کورونا سے متاثرہ مریضوں میں سے7007 کا تعلق کوئٹہ، 272 کا جعفرآباد اور 150 کا تعلق چاغی سے ہے۔
صوبائی محکمہ صحت کے مطابق 24 گھنٹوں کے دوران صوبے میں 89 مریضوں کے صحت یاب ہونے کے بعد اب تک صوبے میں صحت یاب ہونے والے مریضوں کی مجموعی تعداد 3140 ہوگئی ہے۔
بلوچستان میں کورونا سے جاں بحق افراد کی مصدقہ تعداد 99 ہوگئی انتقال کرجانے والے 4 مریضوں کا تعلق کوئٹہ اور ایک ایک کا تعلق نوشکی اور لورالائی سے ہے۔
صوبے میں کورونا کے5759 مریض زیر علاج ہیں جبکہ 304 افراد کے کئے گئے کورونا ٹیسٹ کے نتائج آنا باقی ہیں۔
محکمہ صحت کے مطابق صوبے کے مختلف علاقوں میں 1644 افراد کو کورنٹائن سینٹرز میں رکھا گیا ہے۔
