• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوہاٹ، موٹر سائیکل سواروں کی فائرنگ، پولیس اہلکار شہید

آج کا اخبار
اہم خبریں
22 جون ، 2020
کوہاٹ (این این آئی) ضلع کوہاٹ میں نامعلوم موٹر سائیکل سواروں نے فائرنگ کر کے پولیس اہل کار کو شہید کر دیا۔پولیس کے مطابق سی ٹی ڈی اہل کار خان وزیر صبح گھر سے دفتر جارہا تھا کہ سٹی پھاٹک کے قریب موٹر سائیکل سواروں نے فائرنگ کر کے شہید کر دیا،شہید کی نمازِ جنازہ فرید حسین بنگش شہید پولیس لائنز میں ادا کی گئی۔نمازِ جنازہ میں ڈی آئی جی کوہاٹ، ڈی پی او، ڈپٹی کمشنر کوہاٹ سمیت، پولیس افسران و اہل کاروں اور شہریوں نے شرکت کی۔پولیس کے چاق و چوبند دستے نے شہید اہلکار کی میت کو سلامی پیش کی۔شہید اہلکار نے پسماندگان میں بیوہ، 5 بیٹیاں اور 1 بیٹا سوگوار چھوڑا ہے۔
تازہ ترین