آپ آف لائن ہیں
جمعرات17؍ربیع الثانی 1442ھ3؍دسمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بلاول بھٹو اور فضل الرحمان کا بجٹ مکمل مسترد کرنے پر اتفاق

پاکستان پیپلز پارٹی کے چیئرمین بلاول بھٹو زرداری اور جمعیت علماء اسلام (ف) کے سربراہ مولانا فضل الرحمان نے حکومتی بجٹ کو مکمل طور پر مسترد کرنے پر اتفاق کیا ہے۔

چیئرمین پی پی پی بلاول بھٹو زرداری اور مولانا فضل الرحمان کے درمیان ٹیلی فونک رابطہ ہوا ہے۔

اس موقع پر بلاول بھٹو زرداری کا کہنا تھا کہ ملک میں حکومتی نااہلی کی وجہ سے کورونا وائرس پھیلا ہے، جبکہ پاکستان کے عوام غریب دشمن بجٹ کو مسترد کرچکے ہیں۔

بلاول بھٹو زرداری نے کہا کہ ملکی آئین پر حملوں کو کسی صورت برداشت نہیں کریں گے۔

بلاول بھٹو زرداری اور مولانا فضل الرحمان میں حکومتی بجٹ مکمل طور پر مسترد کرنے پر اتفاق کیا گیا۔ جبکہ آئندہ ہفتے آل پارٹیز کانفرنس (اے پی سی) بلانے پر بھی مشاورت کی گئی ہے۔

پی پی چیئرمین اور مولانا فضل الرحمان کے درمیان ملک میں کورونا وائرس کے پھیلاؤ کا معاملہ بھی زیربحث آیا۔

قومی خبریں سے مزید