لاہور کے مختلف علاقوں میں بارش

صوبہ پنجاب کے شہر لاہور میں مختلف علاقوں میں آج صبح تیز بارش ہوئی جس سے موسم خوشگوار ہو گیا ۔

محکمہ موسمیات کے مطابق شہر کے مختلف علاقوں مغل پورہ، باغبان پورہ، گلشن راوی، سمن آباد، نسبت روڈ  میں تیز بارش ہوئی، بارش کے نتیجے میں  شہر کے کئی علاقوں کی گلیوں میں پانی بھر گیا ہے۔

محکمہ موسمیات کے مطابق لاہور میں آیندہ 24 گھنٹوں میں مزید بارش کا امکان ہے۔

شہر لاہور میں بارش کی وجہ سے کئی علاقوں میں بجلی کی فراہمی بھی معطل ہو گئی ہے ۔

دوسری جانب پنجاب کے شہر شیخوپورہ اور گردونواح میں بھی گرج چمک کے ساتھ موسلا دھار بارش ہوئی۔