آپ آف لائن ہیں
پیر21؍ذیقعد 1441ھ 13؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ملک میں شرح خواندگی 60 فیصد، 30 فیصد بچے اسکول نہیں جاتے، ادارہ شماریات

وفاقی ادارہ برائے شماریات نے شہریوں کے طرز زندگی سے متعلق سروے رپورٹ جاری کی ہے۔ اسلام آباد سے جاری رپورٹ کے مطابق ملک میں شرح خواندگی کا تناسب 60 فیصد ریکارڈ کیا گیا ہے۔ 

رپورٹ کے مطابق مردوں میں شرح خواندگی کا تناسب 71 فیصد جبکہ خواتین میں شرح خواندگی کا تناسب 49 فیصد ہے۔

ملک بھر میں 30 فیصد بچے اسکول جانے سے محروم ہیں۔ اسکول نہ جانے والے بچوں کی سندھ میں تعداد 42 فیصد، بلوچستان میں 59 فیصد، خیبر پختونخوا میں 28 فیصد اور پنجاب میں یہ تعداد21 فیصد ہے۔ 

ادارہ شماریات کے مطابق ملک میں پرائمری تک 87، مڈل تک 63 اور میٹرک تک 57 فیصد بچے اسکول جاتے ہیں۔

ادارہ شماریات نے مزید بتایا کہ ملک بھر میں 95 فیصد گھروں میں موبائل فونز کی سہولت ہے۔ شہروں میں یہ سہولت 55 فیصد ہے جبکہ دیہی علاقوں میں 39 فیصد لوگوں کے پاس موبائل فونز کی سہولت ہے۔

 سروے رپورٹ کے مطابق 18فیصد  آبادی پائپ لائن، 24 فیصد نل کا اور 35 فیصد موٹر پمپ سے پانی حاصل کرتے ہیں۔ رپورٹ کے مطابق تاحال 12 فیصد آبادی ٹوائلٹ کی سہولت سے محروم ہے۔

خاص رپورٹ سے مزید