آپ آف لائن ہیں
منگل22؍ذیقعد 1441ھ 14؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شنیرا اکرم نے ارمینا خان کو ٹوئٹر پر بلاک کردیا

شنیرا اکرم نے ارمینا خان کو ٹوئٹر پر بلاک کردیا 


کراچی (مانیٹرنگ ڈیسک)اداکارہ ارمینا خان اور شنیرا اکرم کے دوران ٹوئٹر پر جاری جنگ شدت اختیار کر گئی ہے۔اس بارے میں ارمینا خان نے بتایا کہ شنیرا نے ان پر تنقید کی اور جب ان سے وہ بیان ہٹانے کا کہا گیا تو انھوں نے اسے بلاک کردیا۔

دونوں شخصیات کے درمیان جھگڑا اس وقت شروع ہوا جب ارمینا خان نے سوشل میڈیا پر اپنے چھپکلی سے ڈرنے سے متعلق پوسٹ شیئرکی۔

ارمینا خان کی جانب سے ایک ٹوئٹ کیا گیا جس میں انہوں نے ایک چھپکلی کی تصویر بھی لگائی اور لکھا کہ میں نہیں چاہتی تھی کہ میرا اس سے واسطہ پڑے۔

ارمینا خان کی پوسٹ پر شنیرا نے طنز کرتے ہوئے لکھا تھا کہ انھیں سمجھ نہیں آتا کہ پاکستانی دہشت گردی، وبائی امراض، قدرتی آفات، سیاسی بدامنی، قحط اور غربت جیسی صورت حال سے گزر چکے ہیں اور پھر بھی ایک چھوٹی سی چھپکلی سے اتنا ڈرتے ہیں۔

ایک اور ٹوئٹ میں شنیرا کا کہنا تھا کہ چھپکلی ہماری دوست ہے اور یہ ڈینگی اور ملیریا کے مچھر کھا کر ہمیں ان سے محفوظ رکھتی ہیں، اس لیے اس سے نفرت نہ کریں۔ارمینا خان نے جواب میں لکھا کہ ان کے فوبیا کا مذاق اڑا کر انھیں بتایا جارہا ہے کہ کیاکرنا چاہیے۔

انھوں نے شنیرا سے ٹوئٹ ہٹانے کا کہا اور بعد میں ارمینا نے ایک اور ٹوئٹ کی اور بتایا کہ شنیرا نے ٹوئٹ ہٹانے کے بجائے انھیں بلاک کردیا ہے۔

دل لگی سے مزید