پاک - انگلینڈ سیریز کیلئے وسیم اکرم کمنٹری پینل میں شامل

قومی کرکٹ ٹیم کے سابق کپتان اور معروف کمنٹیٹر وسیم اکرم پاکستان اور انگلینڈ کے درمیان سیریز کے دوران کمنٹری کے فرائض سرانجام دیں گے۔

اس حوالے سے ذرائع کا کہنا ہے کہ سابق کپتان وسیم اکرم اپنے اہل خانہ کے ہمراہ انگلینڈ پہنچ گئے ہیں۔ 

وسیم اکرم تینوں ٹیسٹ اور تین ٹی ٹوئنٹی میچز میں کمنٹری کریں گے۔

ذرائع نے بتایا کہ وسیم اکرم مانچسٹر میں اپنے گھر پر دو ہفتے کا قرنطینہ مکمل کریں گے۔

واضح رہے کہ قومی ٹیم اس وقت دورہ انگلینڈ پر برطانیہ پہنچ چکی ہے، جہاں کھلاڑیوں نے ایس او پیز کے مطابق خود کو قرنطینہ کرلیا ہے۔