اسلام آباد ( آن لائن ) سابق صدر آصف علی زرداری پر احتساب عدالت آج ( پیر ) کو پارک لین ریفرنس پر فرد جرم عائد کریگی ۔ نیب نے آصف علی زرداری پر ویڈیو لنک کے ذریعے فرد جرم کے تمام انتظامات مکمل کر لئے ہیں ۔ آصف علی زرداری پر بلاول ہائوس کراچی میں ویڈیو لنک پر فرد جرم عائد ہو گی ۔ بلاول ہائوس میں کراچی کے تین افسران موجود ہوں گے جن میں نیب کے اسسٹنٹ ڈائریکٹر ، پراسیکیوٹر اور ایک آئی ٹی ایکسپرٹ ہوں گے ۔ خواجہ انور مجید کے لئے نجی ہسپتال میں ویڈیو لنک کا انتظام کیا گیا ہے جبکہ تین ملزمان فاروق عبداللہ ، شیر علی اور سلیم فیصل احتساب عدالت کراچی سے ویڈیو لنک پر موجود ہوں گے۔