-
فرمان الہی
-
نماز کے اوقات
- ہفتہ 11؍شوال المکرم 1445ھ20؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
شہرہ آفاق تُرک سیریز ’ارطغرل غازی‘ میں حلیمہ سلطان کا کردار ادا کرنے والی تُرک اداکارہ اسرا بلجک بہت جلد اپنے پاکستانی مداحوں کو ایک بڑی خوشخبری سُنانے والی ہیں۔
گزشتہ دِنوں پاکستان سُپر لیگ (پی ایس ایل) کی فرنچائز پشاور زلمی کے مالک جاوید آفریدی نے اسرا بلجک کو فرنچائز کا برانڈ ایمبیسڈر بنانے کے حوالے سے شائقین کرکٹ سے مشورہ مانگا تھا جس پر سوشل میڈیا صارفین نے مثبت ردعمل دیتے ہوئے جاوید آفریدی کے اس فیصلے پر بےحد خوشی کا اظہار کیا تھا۔
اِس ضمن میں تُرک اداکارہ اسرا بلجک کی جانب سے شائقین کرکٹ کے لیے مائیکرو بلاگنگ سائٹ ٹوئٹر پر ایک اہم پیغام سامنے آیا ہے۔
اسرا بلجک نے ٹوئٹر پر ٹوئٹ کرتے ہوئے لکھا کہ ’میں بہت جلد آپ سب کو ایک اچھی خبر سُناؤں گی۔‘
تُرک اداکارہ نے اپنے ٹوئٹ میں جاوید آفریدی اور پشاور زلمی کو بھی ٹیگ کیا۔
اسرا بلجک کے اِس ٹوئٹ کے بعد جہاں اُن کا ہر ایک مداح یہ خوشخبری سُننے کا منتظر ہے تو وہیں قومی کرکٹ ٹیم کے فاسٹ بولر وہاب ریاض بھی انہی لوگوں کی فہرست میں شامل ہیں۔
وہاب ریاض نے اسرا بلجک کے ٹوئٹ پر اپنا ردعمل دیتے ہوئے لکھا کہ ’جاوید بھائی یہ خوشخبری سُننے کے منتظر ہیں۔‘
دوسری جانب جاوید آفریدی نے بھی اسرا بلجک کے اِس ٹوئٹ کے لیے اُن کا شکریہ ادا کیا۔
اسرا بلجک نے اپنے اگلے ٹوئٹ میں بہت جلد پاکستان کا دورہ کرنے کا عندیہ بھی کیا ہے۔
واضح رہے کہ گزشتہ دنوں جاوید آفریدی نے تُرک سیریز ’ارطغرل غازی‘ میں’ارطغرل‘ کا مرکزی کردار ادا کرنے والے انجن التان کو پی ایس ایل کا حصہ بنانے کے حوالے سے ایک ٹوئٹ کیا تھا جس پر کرکٹ شائقین کی بڑی تعداد نے سیریز کا مرکزی کردار ’حلیمہ سلطان‘ یعنی اسرا بلجک کو بھی پی ایس ایل کا حصہ بنانے کی فرمائش کی تھی۔
