عزیر بلوچ کی JIT رپورٹ پر 4 ممبران کے دستخط ہیں: علی زیدی

وفاقی وزیرِ بحری امور علی زیدی کہتے ہیں کہ عزیر بلوچ کی جے آئی ٹی رپورٹ پر 6 میں سے 4 ممبران کے دستخط ہیں۔

ایک بیان میں وفاقی وزیر علی زیدی کا کہنا ہے کہ نثار مورائی کی مشترکہ تحقیقاتی رپورٹ پر 6 میں سے5 ممبران کے دستخط ہیں۔

پتہ نہیں علی زیدی کہاں سے JIT بنا لائے ہیں: مراد علی شاہ

وزیرِ اعلیٰ سندھ مراد علی شاہ کا کہنا ہے کہ ہم پر سیاسی دباؤ آیا تو ہم نے جے آئی ٹی جاری کر دی، علی زیدی نے غیر ذمے داری کا کام کیا، پتہ نہیں وہ جے آئی ٹی کہاں سے بنا کر لائے ہیں۔

وفاقی وزیرِبحری امور کا اپنے بیان میں کہنا ہے کہ مشترکہ تحقیقاتی رپورٹ کے آخری صفحے پر 6 میں سے 4 ممبران کے دستخط ہیں۔

انہوں نے کہا کہ عزیر بلوچ کی جے آئی ٹی کے دوسرے صفحے سے یہ بات ثابت ہے کہ یہ 2 حصوں میں ہے، پیپلز پارٹی اس جے آئی ٹی کی صداقت مشکوک بنا رہی ہے۔

یہ بھی پڑھیئے:۔

JIT، وفاقی وزیر علی زیدی پیپلز پارٹی کے ناموں والی رپورٹ لے آئے

وفاقی وزیر علی زیدی کا یہ بھی کہنا ہےکہ میں ایک مرتبہ پھر اس جے آئی ٹی پر چیف جسٹس سے از خود نوٹس لینے کی درخواست کرتا ہوں۔