آپ آف لائن ہیں
جمعرات 15؍ ذی الحج 1441ھ6؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کے پی کے، پولیس اہلکار نے زندہ دلی کی مثال قائم کردی


سوشل میڈیا پر عام طور پر کچھ ایسی ویڈیوز وائرل ہوتی ہیں جن میں بےحس لوگ جانوروں پر ظلم کرتے نظر آتے ہیں اور اُن بے زبانوں کو شدید اذیت کا نشانہ بناتے ہیں لیکن گزشتہ روز سے سوشل میڈیا پرخیبر پختونخوا کے ایک ایسے زندہ دل پولیس اہلکار کی ویڈیو وائرل ہورہی ہے جس نے ایک کُتے کو نہر میں ڈوبنے سے بچاکر بہادری اور زندہ دلی کی مثال قائم کردی ہے۔

یہ ویڈیو پولیس سپرنٹنڈنٹ حسن جہانگیر کی جانب سے مائیکرو بلاگنگ سائٹ ٹوئٹر پر شیئر کی گئی جس میں واضح طور پر دیکھا جاسکتا ہے کہ کس طرح پولیس اہلکار نے نہر میں ڈوبتے ہوئے کُتے کی جان بچائی۔

ویڈیو شیئر کرتے ہوئے پولیس سپرنٹنڈنٹ حسن جہانگیر نے بتایا کہ ’یہ کُتا نہر میں گِرگیا تھا اور نہر سے باہر نہیں نکل پارہا تھا لیکن خیبرپختونخوا کے اِس بہادر کانسٹیبل نے سُپر ہیرو کا کردار ادا کرتے ہوئے اِس بےزبان جانور کو بچالیا۔‘

اُنہوں نے کہا کہ ’تمام جانداروں کے ساتھ مہربانی سے پیش آنا ہمارا فرض ہے۔‘

کے پی کے پولیس کانسٹیبل کی ویڈیو دیکھنے کے بعد ہر کوئی اُن کی تعریف کرتا نظر آرہا ہے اور اُن کے اِس نیک کام نے اُنہیں بےحد مشہور کردیا ہے۔

خاص رپورٹ سے مزید