آپ آف لائن ہیں
بدھ21؍ذی الحج1441ھ12؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

عمر اکمل کی اپیل پر سماعت مکمل، فیصلہ محفوظ

ٹیسٹ کرکٹر عمر اکمل کی تین سالہ پابندی کے خلاف اپیل کی سماعت میں بحث مکمل ہو گئی، آزاد ایڈ جیوڈیکٹر جسٹس ریٹائرڈ فقیر محمد کھوکھر نے فیصلہ محفوظ کر لیا۔

سپریم کورٹ کے سابق جج جسٹس ریٹائرڈ فقیر محمد کھوکھرنے بطور انڈیپینڈنٹ ایڈ جیوڈیکٹر عمر اکمل کیس پر فیصلہ محفوظ کرلیا ہے۔

انہوں نے نیشنل ہائی پرفارمنس سینٹر میں ہونے والی سماعت میں فریقین کے دلائل سنے، اپیل کی سماعت 3 گھنٹے جاری رہی۔

واضح رہے کہ 27 اپریل کو جسٹس (ر) فضلِ میراں چوہان نے بطور چیئرمین ڈسپلنری پینل دو مختلف مواقع پر پی سی بی کے اینٹی کرپشن کوڈ کی شق 2.4.4 کی خلاف ورزی کرنے پر عمر اکمل پر 3 سال کی پابندی عائدکی تھی۔

عمر اکمل نے اپنے خلاف پابندی کو چیلنج کیا ہوا ہے، ان کے وکیل طیب رضوی کا کہنا ہے کہ میرے کلائنٹ کے ساتھ زیادتی ہوئی ہے ۔

کھیلوں کی خبریں سے مزید