آپ آف لائن ہیں
منگل20؍ذی الحج 1441ھ 11؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

احسن اقبال وزیر اعظم کیخلاف ریفرنس لے کر نیب پہنچ گئے

احسن اقبال وزیر اعظم کیخلاف ریفرنس لے کر نیب پہنچ گئے 


اسلام آباد (نیوز ایجنسیاں) پاکستان مسلم لیگ (ن) کے رہنما احسن اقبال نے نارووال اسپورٹس سٹی کمپلیکس منصوبہ کے فنڈز روکنے کے الزام میں وزیراعظم کیخلاف ریفرنس دائر کرنے کی درخواست نیب کو دیدیا۔

احسن اقبال نے کہا کہ بھونڈے مقدمے میں انتقامی کارروائی کا نشانہ بنا کر میری کردار کشی کی گئی، عمران خان کرپشن کی چھتری بن چکے ہیں جسکے نیچے سب کو تحفظ حاصل ہے،عمران خان کی وجہ سے اربوں روپے کا نقصان اس غریب ملک کو برداشت کرنا ہوگا، چیئرمین نیب اس حوالے سے تحقیقات کریں۔

مریم اورنگزیب کے ہمراہ میڈیا سے گفتگو کرتے ہوئے احسن اقبال نے کہا کہ نجم سیٹھی نے نارووال کمپلیکس گراؤنڈ میں پی ایس ایل میچ کا وعدہ کیا تھا، میرے خلاف نارووال اسپورٹس کمپلیکس میں بے ضابطگیوں کا مقدمہ دائر کیا گیا۔

نارووال سٹی کمپلیکس کی آسٹرو ٹرف برباد کر دی گئی، انتقامی کارروائی کے نتیجے میں پاکستان کھیلوں کے منصوبے سے محروم ہوا۔

اہم خبریں سے مزید