آپ آف لائن ہیں
بدھ21؍ذی الحج1441ھ12؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

تنخواہوں میں سالانہ انکریمنٹ ختم کرناظلم کی انتہاء ہے، شہبازشریف


مسلم لیگ (ن) کے صدر اور قائد حزب اختلاف شہباز شریف کا کہنا ہے کہ سرکاری ملازمین کی تنخواہوں میں سالانہ انکریمنٹ ختم کرنا ظلم کی انتہاء ہے۔

مسلم لیگ (ن) کے صدرمیاں شہباز شریف نے اپنے ایک بیان میں کہا کہ جب وزیر اعظم کا 2 لاکھ میں گزارا نہیں تو سرکاری ملازم چند ہزار میں کیسے گزارا کرے؟ حکومت پورے پاکستان کو سڑکوں پر نکلنے پر مجبور کرچکی ہے۔

شہباز شریف نے کہا کہ سرکاری ملازمین اور عوام کےخلاف حکومت ظالمانہ اقدامات واپس لے، ثابت ہوگیا ہے کہ یہ عوام کی نہیں بلکہ آئی ایم ایف کی غلام حکومت ہے۔

انہوں نے کہا کہ عوام پر ظلم ڈھانے والوں نے کہا تھا کہ خودکشی کرلیں گے لیکن آئی ایم ایف کے پاس نہیں جائیں گے، آئی ایم ایف کی شرائط قوم کے گلے کا پھندا بن چکی ہیں۔

شہباز شریف نے مزید کہا کہ موجودہ حکومت سرکاری ملازمین سمیت معاشرے کے ہر طبقےکے لیے بری خبر ہے، سرکاری ملازمین کے خلاف ظالمانہ اقدامات برداشت نہیں کریں گے۔ 

قومی خبریں سے مزید