آپ آف لائن ہیں
اتوار18؍ذی الحج 1441ھ 9؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

میر شکیل الرحمٰن کی غیرقانونی گرفتاری کیخلاف ملک بھر میں احتجاج


پاکستان کے سب سے بڑے میڈیا گروپ جنگ جیو ٹی وی کے ایڈیٹر اِنچیف میر شکیل الرحمٰن کی غیر قانونی گرفتاری کے خلاف ملک بھر میں احتجاجی مظاہروں کا سلسلہ جاری ہے۔

ایڈیٹر اِنچیف جنگ جیو گروپ میر شکیل الرحمٰن کی گرفتاری کے خلاف لاہور میں احتجاج کا سلسلہ جاری ہے۔ سینئر صحافیوں نے میر شکیل الرحمٰن کو فوری رہا کرنے کا مطالبہ کیا ہے۔

پشاور
پشاور میں بھی میر شکیل الرحمٰن کی گرفتاری کے خلاف مظاہرہ کیا گیا۔

مظاہرین سے خطاب کرتے ہوئے جماعت اسلامی یوتھ ونگ خیبر پختونخوا کے نائب امیر شاہجہان آفریدی کا کہنا تھا کہ میڈیا کی زبان بندی، سچ بولنے پر پابندی اور صحافتی کارکنوں کا معاشی قتل عام جاری ہے۔

کوئٹہ
کوئٹہ کی جنگ بلڈنگ میں ہونے والے احتجاجی مظاہرے میں ملازمین اور صحافیوں نے شرکت کی۔

شرکاء کا کہنا تھا کہ میر شکیل الرحمٰن آزادی صحافت کے علمبردار ہیں، انہیں رہا کیا جائے۔

بہاولپور
بہاولپور پریس کلب پر صحافیوں کی علامتی بھوک ہڑتال اور احتجاج کا سلسلہ جاری ہے۔

نواب شاہ
نواب شاہ میں صحافیوں اور سول سوسائٹی نے کچہری روڈ پر میر شکیل الرحمٰن کی گرفتاری کے خلاف احتجاج کیا۔

قومی خبریں سے مزید