فرمان الہی
نماز کے اوقات
پاکستان کی جانب سے افغان سر زمین سے خوارج کے حملے میں 4 پاکستانی فوجیوں کی شہادت پر افغان ڈپٹی ہیڈ آف مشن کو دفترِ خارجہ طلب کیا گیا۔
دفتر خارجہ کی جانب سے جاری کیے گئے بیان کے مطابق افغان ڈپٹی ہیڈ آف مشن کو دفترِ خارجہ طلب کر کے باضابطہ ڈی مارش دیا گیا۔
دفترِ خارجہ کا کہنا ہے کہ پاکستان کا مؤقف ہے کہ افغان طالبان فتنہ الخوارج اور ٹی ٹی پی کی معاونت کر رہے ہیں، پاکستان کی جانب سے افغانستان میں دہشت گردوں کو حاصل محفوظ پناہ گاہوں پر تشویش کا اظہار کیا گیا ہے۔
دفترِ خارجہ نے کہا ہے کہ پاکستان نے افغان سر زمین سے دہشت گردی پر مکمل تحقیقات اور کارروائی کا مطالبہ کیا ہے۔
دفترِ خارجہ نے افغان ڈپٹی ہیڈ آف مشن سے کہا کہ افغان طالبان تمام دہشت گرد گروہوں کے خلاف فوری اور قابلِ تصدیق اقدامات کریں۔
بیان میں کہا گیا ہے کہ پاکستان اپنی خود مختاری کے دفاع کا حق محفوظ رکھتا ہے۔
دفترِ خارجہ میں افغان ناظم الامورکو طلب کرکے باضابطہ ڈی مارش کر دیا گیا۔
دفتر خارجہ کا کہنا ہے کہ پاکستان کا مؤقف ہے کہ افغان طالبان فتنہ الخوارج اور ٹی ٹی پی کی معاونت کر رہے ہیں، افغانستان میں دہشت گردوں کو حاصل محفوظ پناہ گاہوں پر پاکستان کو تشویش ہے، پاکستان اپنی خود مختاری کے دفاع کا حق محفوظ رکھتا ہے۔
