فرمان الہی
نماز کے اوقات
نواب شاہ ( بیورورپورٹ )قاضی احمد قومی شاہراہ بائی پاس چوک پر مسافر کوچ اور ٹریلر میں خوفناک تصادم، 6 مسافر جاں بحق 23 زخمی ہوگئے زخمیوں میں خواتین بچے بھی شامل ہیں۔ پولیس کے مطابق مانسہرہ سے کراچی جانے والی مسافر کوچ کا قاضی احمد بائی پاس چوک پر ٹریلر سےتصادم ہوگیا۔ حادثے میں 4مسافر موقع پر جبکہ ڈرائیور سمیٹ 2افراد پیپلز میڈیکل اسپتال نواب شاہ لاتے ہوئے راستے میں جاں بحق ہوگئے جبکہ خواتین، بچوں سمیت 23مسافر زخمی ہوئے۔ تصادم کے بعد کوچ الٹ گئی۔ زخمیو ں کو تعلقہ اسپتال قاضی احمد لایا گیا۔ جہاں ڈاکٹروں اورعملے کے علاوہ طبی سہولتوں کی عدم دستیابی کے باعث زخمیوں کو پیپلز میڈیکل اسپتال منتقل کیا گیا۔ جہاں کئی زخمیوں کی حالت تشویشناک بتائی جاتی ہے ۔کوچ مسافر ولی جان کا کہنا تھا کہ تعلقہ اسپتال قاضی احمد میں زخمیوں کو لایا گیا، تو ڈاکٹرز اور عملہ موجود نہ تھا جبکہ بیڈز نہ ہونے کے باعث زخمیوں کو فرش پر لٹا دیا گیا۔
