فرمان الہی
نماز کے اوقات
معاون خصوصی شہباز گل کا کہنا ہے کہ بغض سے بھرے کرپٹ لوگ کورونا پر سیاست کر رہے ہیں، اسمارٹ لاک ڈاؤن کی پالیسی یورپ نے بھی اپنائی ہے۔
پاکستان تحریک انصاف کے رہنما شہباز گل نے پاکستان مسلم لیگ ن کی ترجمان مریم اورنگزیب کے بیان پر رد عمل دیتے ہوئے کہا ہے کہ بغض سے بھرے کرپٹ لوگ کورونا پر سیاست کر رہے ہیں، ن لیگ کی لیڈرشپ صرف کرپشن کا وژن رکھتی ہے، یورپی ممالک عمران خان کے وژن کے معترف ہیں ۔
شہباز گل نے کہا ہے کہ بھوک کورونا سے بھی زیادہ بڑا مسئلہ ہے، عمران خان نے اقوامِ عالم کو بہت پہلے بتا دیا تھا۔
انہوں نے مزید کہا کہ ورلڈ فوڈ پروگرام نے بھی بھوک سے اموات میں اضافے سے خبردار کیا تھا، عمران خان کے وژن کی وجہ سے پاکستان کورونا سے نمٹنے میں کامیاب ہوا ہے، ن لیگی جو پالیسیاں بتا رہے تھے وہ اپنا کر بھارت کورونا میں پھنس گیا۔
شہباز گل کا کہنا تھا کہ عمران خان نے ہمیشہ غریب کی بات کی، جو ریلیف ہم نے دیا کوئی نہیں دے سکتا، زلزلہ زدگان کے فنڈز کھانے والے آج حکومت پر باتیں کر رہے ہیں۔
اُن کا کہنا تھا کہ وزیر اعظم عمران خان کی شروع دن سے ہی واضح حکمتِ عملی تھی۔
شہباز گل نے کہا ہے کہ اپوزیشن عوام میں کنفیوژن اور مایوسی پھیلا رہی ہے، عوام جرات سے کورونا سے نبزد آزما ہیں، اور اپوزیشن غلط فہمیاں پیدا کر رہی ہے۔
