فرمان الہی
نماز کے اوقات
پاکستان مسلم لیگ (ن) کی ترجمان مریم اورنگزیب نے کہا ہے کہ پٹرول انکوائری کمیشن چینی انکوائری کمشن پارٹ ٹو ہے۔
پٹرول انکوائری کمیشن بنانے کے حکومتی فیصلے پر رد عمل دیتے ہوئے ترجمان مسلم لیگ (ن) کا کہنا تھا کہ پٹرول مافیا کو بری کرنے کے لیے پٹرول کمیشن بنایا گیا ہے۔
وزیراعظم کو ہدف تنقید بناتے ہوئے مریم اورنگزیب کا کہنا تھا کہ عمران صاحب خود ہی بحران پیدا کرتے، کمیشن بناتے ہیں اور پھر این آر او دیتے ہیں۔
لیگی ترجمان نے کہا کہ پٹرول بحران بھی عمران صاحب کے غلط فیصلوں کی وجہ سے ہوا۔
ان کا کہنا تھا کہ وزیراعظم عمران خان نے پٹرول مافیا کے سامنے بھی گھٹنے ٹیک دیے۔
مریم اورنگزیب نے کہا کہ چینی کمیشن بنا کر تمام چینی چوروں کو بری کروایا اور پھر انھیں لندن بھی فرار کروایا۔
ان کا کہنا تھا کہ وزیراعظم عمران خان صاحب کمیشن بنا کر آپ خود کو نہیں بچا سکتے، آپ کو حساب دینا ہوگا۔
