کلفٹن میں سائیکل سوار کا چالان، انکوائری رپورٹ مکمل

کراچی کے علاقے کلفٹن میں ٹریفک سارجنٹ کی طرف سے سائیکل سوار کے چالان کرنے کی انکوائری رپورٹ مکمل کرلی گئی ہے۔

انکوائر ی رپورٹ میں کہا گیا کہ سائیکل سوار کو غلط سمت سے آنے پر ٹریفک پولیس افسر کا روکنا درست تھا۔

رپورٹ میں کہا گیا کہ ٹریفک پولیس افسر انسپکٹر غلام علی نے سائیکل سوار کو چالان غلط جاری کیا۔

ترجمان ٹریفک پولیس نے کہا کہ کارروائی کی ویڈیو سوشل میڈیا پرجاری کرنا قواعد کی خلاف ورزی ہے۔

کراچی: ون وے کی خلاف ورزی، سائیکل سوار کا چالان کٹ گیا

کراچی کے علاقے کلفٹن میں ٹریفک پولیس آفیسر نے ون وے کی خلاف ورزی کرنے والے ایک محنت کش غریب سائیکل سوار کا موٹرسائیکل چالان کوڈ کے تحت 500 روپے جرمانہ کر دیا۔

ترجمان نے بتایا کہ افسرکےخلاف غفلت،لاپرواہی، ڈسپلن کی خلاف ورزی پر کارروائی کی گئی ہے۔

واضح رہے کہ کلفٹن میں سائیکل سوار کو 500 روپے جرمانہ کرنے کی ویڈیو سامنے آئی تھی۔