ڈسٹرکٹ اینڈ سیشن جج کا عید پر 50 قیدیوں کی رہائی کا حکم

ڈسٹرکٹ اینڈ سیشن جج نے کیمپ جیل کا دورہ کیا اورعید کے موقع پر 50 قیدیوں کو رہا کرنے کے احکامات جاری کئے۔

جیل ذرائع کے مطابق ڈسٹرکٹ اینڈ سیشن جج قیصر نذیر بٹ نے کیمپ جیل کے دورے کے دوران معمولی نوعیت میں قید 50 قیدیوں کو رہا کرنے کے احکامات جاری کر دیئے۔

ڈسٹرکٹ اینڈ سیشن جج کے ہمراہ عدیل انور سول جج بھی موجود تھے ، انہوں نے جیل کے مختلف حصوں کا معائنہ بھی کیا اور انتظامات تسلی بخش ہونے پر عملے کو سراہا۔