آپ آف لائن ہیں
جمعہ23؍ذی الحج 1441ھ14؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وینا ملک کا ٹوئٹر پر گوتم گمبھیر کوکرارا جواب

پاکستانی اداکارہ ، ماڈل ، گلوکارہ اور میزبان وینا ملک کی جانب سے بھارتی سابق کرکٹر اور سیاست دان گوتم گمبھیر کو ٹوئٹر پر کرارا جواب دیا گیا ہے۔

پاکستانی پیروڈی کوئین وینا ملک سوشل میڈیا پر کافی متحرک نظر آتی ہیں اور حالات حاضرہ سمیت سیاست پر بھی تبصرے کرتی رہتی ہیں ۔

حال ہی میں بھارتی سیاست داں ، سابق کرکٹرگوتم گمبھیر کی جانب سے شیخی بگھارتے ہوئے سماجی رابطے کی ویب سائٹ ٹوئٹر پر ایک تصویر شیئر کی گئی جس میں 6 فائٹر جیٹ فضا میں اُڑ رہے ہیں ، گوتم نے فائٹر جیٹ کو پرندوں سےتشبیہ دیتے ہوئے لکھا کہ ’ آخر کار بڑے پرندے یہاں موجود ہیں۔‘

گوتم کی جانب سے شیئر کی گئی اس تصویر پر پاکستانی ٹوئٹر صارفین کی جانب سے اُن کا خوب مذاق بنایا گیا ، ٹوئٹر صارفین نے گوتم کو یاد دلایا کہ انہیں پاکستان بھیج دیں ، چائے تقریباً تیار ہے ۔

دوسری جانب وینا ملک نے بھی گوتم کا ٹوئٹ اپنے اکاؤنٹ پر ری ٹویٹ کرتے ہوئے لکھا ’ 7 بڑے پرندے 7 بڑے چائے کے کپ کے مساوی ہیں ۔‘

وینا ملک کی جانب سے دیئے گئے اس جواب پر مداحوں کی جانب سے انہیں خوب سراہا جا رہا ہے ۔

واضح رہے کہ 27 فروری 2019ء کو پاک فضائیہ نے بھارتی طیارہ گرایا تھا جبکہ پائلٹ ابھی نندن کو گرفتار کر لیا گیا تھا۔

پاکستانی فضائیہ کی جانب سے بھارتی طیارہ مار گرانے اور پائلٹ ابھی نندن کی گرفتاری کے بعد رہائی کو آپریشن سوئفٹ ریٹارٹ کا نام دیا گیا تھا۔

انٹرٹینمنٹ سے مزید