حجاج کرام منیٰ پہنچ گئے

سعودی عرب میں آج عیدالاضحیٰ مذہبی جوش و جذبے کے ساتھ منائی جا رہی ہے، دوسری جانب حجاجِ کرام رات بھر مزدلفہ میں قیام کے بعد منیٰ پہنچ گئے۔

حجاجِ کرام آج بڑے شیطان کو کنکریاں مار کر رمی کر رہے ہیں، جس کےبعد وہ جانوروں کی قربانی کر رہے اور سر منڈوا کر احرام اتار رہے ہیں۔

مسجد الحرام اور مسجدِ نبوی ﷺ میں نمازِ عید الاضحیٰ ادا

سعودی عرب کے شہر مکہ مکرمہ میں مسجد الحرام اور مدینہ منورہ میں مسجدِ نبوی ﷺ میں نمازِ عید الاضحیٰ ادا کر دی گئی۔

احرام سے باہر آنے کے بعد حجاج کرام طوافِ کعبہ کے لیے روانہ ہور ہے ہیں۔

حجاجِ کرام مناسکِ حج کی ادائیگی کے دوران کورونا وائرس سے بچاؤ کے لیے ایس او پیز پر عمل کر رہے ہیں۔

یہ بھی پڑھیئے:۔

سعودیہ، خلیجی ممالک، ترکی، امریکا، یورپ میں آج عید الاضحیٰ

سعودی وزارتِ صحت کے مطابق مناسکِ حج کی ادائیگی کے دوران کورونا وائرس کا کوئی مریض سامنے نہیں آیا ہے، تمام حجاجِ کرام کی حالت صحت بخش ہے۔