آپ آف لائن ہیں
منگل11؍صفر المظفّر 1442ھ 29؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کورونا ٹیسٹ کرانے والے موٹرسٹس کو 90پونڈ کا پارکنگ جرمانہ

لندن (پی اے) ایک موٹرسٹس کا کہنا ہے کہ ایک کار پارک میں ڈرائیو تھرو کورونا وائرس ٹیسٹ کرانے کے بعد اسے 90 پونڈ پارکنگ جرمانے کا ٹکٹ ملنے پر حیرت ہوئی۔ 52 سالہ جیف پف پر 7 جولائی کو نارتھ لندن کے ایڈمنٹن گرین شاپنگ سینٹر میں اپنی بیوی اور دو بچوں کے کورونا وائرس ٹیسٹ کیلئے لعاب کے نمونے دینے کے بعد پارکنگ جرمانہ لگا دیا گیا، جس پر وہ حیرت زدہ رہ گیا۔ اس کا کہنا ہے کہ ہم انفیلڈ کی سائٹ پر 23 منٹ رکے تھے اور اس تمام وقت ہم نے کار نہیں چھوڑی۔ اس جرمانے کے پس پردہ کمپنی کا کہنا ہے کہ اگر کوئی جرمانہ غلط طور پر جاری کیا گیا ہے تو اسے منسوخ کر دیا جائے گا۔

یورپ سے سے مزید