بیروت دھماکے، ہلاکتوں کی تعداد 157ہوگئی

بیروت دھماکے میں جاں بحق ہونے والوں کی تعداد 157ہوگئی، زخمیوں کی تعداد 5 ہزار تک پہنچ گئی جبکہ درجنوں افراد اب بھی لاپتا ہیں۔

اقوام متحدہ نے بیروت کے اسپتالوں کے لیے 90 لاکھ ڈالر دینے کا اعلان کیا ہے۔

لبنانی وزیر خارجہ کے مطابق بیروت دھماکوں کی تحقیقات کے لیے حکومت نے تحقیقاتی کمیٹی بنادی ہے جبکہ ذمہ داروں کے تعین کے لیے کمیٹی کو 4 روز کا وقت دیا گیا ہے۔

دھماکے کی تحقیقات مکمل ہونے تک بیروت کی بندرگاہ کے متعلقہ حکام کو ان کے گھروں میں نظر بند کر دیا گیا ہے۔

لبنان کے مرکزی بینک نے بندرگاہ کے جنرل منیجر اور ڈائریکٹر جنرل کسٹمز سمیت دیگر 5 افراد کے بینک اکاؤنٹس فریز کردیے ہیں۔

دوسری طرف دنیا بھر سے بیروت دھماکوں کے متاثرین کے لیے امداد کا سلسلہ جاری ہے۔