آپ آف لائن ہیں
جمعرات14؍ جمادی الثانی 1442ھ28؍جنوری 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

یوٹیوب سے متعلق بلال مقصود کی تجویز سب کو بھا گئی

پاکستانی موسیقی انڈسٹری سے تعلق رکھنے والے فنکار بلال مقصود نے یوٹیوب سے متعلق ایک مشورہ سوشل میڈیا پر شیئر کیا جس کی سب ہی نے تائید کی ہے ۔

پاکستانی مشہور پاپ میوزک بینڈ ’اسٹرنگز ‘ کے ممبر بلال مقصود نے نے اپنے فوٹو، ویڈیو شیئرنگ ایپلیکیشن انسٹاگرام اکاؤنٹ پر قرآنی سورتوں اور آیتوں سے متعلق تجویز اپنے مداحوں کے ساتھ شیئر کی جس پر سب ہی نے بلال کی ہاں میں ہاں ملائی ہے ۔

بلال مقصود نے اپنی ایک پوسٹ میں لکھا ہے کہ ’اُن کے خیال میں قرآنی آیات، سورتوں اور دعاؤں کے درمیان یوٹیوب پر اشتہارات نہیں چلنے چاہیے۔‘

انہوں نے مزید لکھا کہ ’تصور کیجئے کے آپ سورت رحمٰن کی تلاوت سن رہے ہوں اور اچانک سے بیچ میں کسی لان برانڈ اور آئل برانڈ کا اشتہار شروع ہو جائے ، یہ بہت بے ادبی کی بات ہے۔‘

بلال مقصود کی جانب سے شیئر کیے گئے اس پیغام پر اُن کے مداحوں نے بھی کمنٹس کیے اور اُن کی تجویز کو درست قرار دیا ۔

بلال مقصود کے سب ہی فالوورز کا کہنا تھا کہ انہوں نے یہ بات بالکل ٹھیک کہی ہے ، وہ بھی ایسا ہی سوچتے ہیں ۔

ایک انسٹا صارف کی جانب سے کمنٹ میں کہا گیا کہ وہ بھی ایسا ہی سوچتے ہیں اور اللّٰہ کا شکر ادا کرتے ہیں کہ کسی نے اس کے خلاف آواز اٹھائی ۔

انٹرٹینمنٹ سے مزید