آپ آف لائن ہیں
جمعہ8؍ جمادی الثانی 1442ھ 22؍ جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ڈومیسٹک کرکٹ سیزن کم نہیں کریں گے، ندیم خان

‏پاکستان کرکٹ بورڈ نے کووڈ19 کی وجہ سے ڈومیسٹک کرکٹ سیزن کم نہ کرنے کا فیصلہ کیا ہے ، ڈومیسٹک سیزن اگلے ماہ ٹی ٹوئنٹی کپ سے شروع ہوگا جبکہ فرسٹ کلاس سیزن اکتوبر کے تیسرے ہفتے سے شروع ہوگا۔

ڈائریکٹرہائی پرفارمنس ندیم خان کا کہنا ہے کہ احتیاطی تدابیر کے ساتھ پورا ڈومیسٹک کرکٹ سیزن کرانے کی کوشش کریں گے، کھلاڑیوں ، میچ آفیشلزاور دیگر لوگوں کے مالی مسائل کا احساس ہے موجودہ حالات میں میچز کم کرکے کرکٹ سے جڑے لوگوں کی آمدنی کم نہیں کرسکتے ۔

‏ندیم خان نے کہا کہ حکومت کا کھیلوں کی سرگرمیوں کی اجازت دینا قابل ستائش ہے، جلد’’بیک ٹو کرکٹ‘‘ پالیسی لاگو کریں گے۔

انہوں نے کہا کہ کرکٹ سے جڑے لوگوں کی صحت اؤلین ترجیح ہے اس پرکوئی سمجھوتہ نہیں ہوگا، بائیوسیکیور ماحول بنانا مشکل توہے لیکن اس کے بغیر گزارا بھی نہیں ہے۔

ڈائریکٹر ہائی پرفارمنس ندیم خان نے کہا کہ کھلاڑیوں کوامپائرز، ریفریز، مینجرز، اسکوررز اور گراؤنڈ اسٹاف کو احتیاطی تدابیر اور بائیو سیکیور ماحول کے حوالے سے جلد لیکچرز دینے کا سلسلہ شروع کر رہے ہیں۔

کھیلوں کی خبریں سے مزید