کراچی: یومِ آزادی پر ہوائی فائرنگ سے 23 افراد زخمی

14 اگست ، 2020

کراچی میں یومِ آزادی کے موقع پر مختلف علاقوں میں ہونے والی ہوائی فائرنگ سے 7 خواتین سمیت 23 افراد زخمی ہو گئے۔

گولیمار حاجی مرید گوٹھ میں گولی لگنے سے20 سالہ اسماعیل، سہراب گوٹھ الآصف اسکوائر کے قریب گولی لگنے سے 35 سالہ نازیہ، سرجانی ٹاؤن فور کے چورنگی کے قریب گولی لگنے سے 31 سالہ رخسانہ زخمی ہو گئی۔

کورنگی مہران ٹاؤن میں گولی لگنے سے 26 سالہ مریم، نیو کراچی خمیسو گوٹھ میں گولی لگنے سے 40 سالہ ریاض زخمی ہو گیا۔

نارتھ ناظم آباد میں گولی لگنے سے 20 سالہ حنا، اورنگی ٹاؤن سیکٹر ساڑھے 11 میں فائرنگ سے 19 سالہ کرن زخمی ہو گئی۔

الآصف اسکوائر سکندر گوٹھ میں فائرنگ سے 19 سالہ حمزہ ، بہادر آباد میں گولی لگنے سے 21 سالہ ثاقب، ملیر سمو گوٹھ میں گولی لگنے سے 60 سالہ امینہ زخمی ہو گئی۔

بلوچ کالونی عوامی چوک پر گولی لگنے سے42 سالہ فیصل ، جمشید کوارٹرز میں فائرنگ سے 32 سالہ عباس، ملیر کالا بورڈ میں فائرنگ سے 32 سالہ اعظم زخمی ہوا۔

کلفٹن گلشنِ سکندر آباد میں گولی لگنے سے 55 سالہ رسول خان، اورنگی ٹاؤن اسلام چوک کے قریب گولی لگنے سے25 سالہ ثمر گل، نارتھ ناظم آباد بلاک ایس میں فائرنگ سے 18 سالہ عبد اللّٰہ زخمی ہو گیا۔

اورنگی ٹاؤن نمبر 1 میں گولی لگنے سے 22 سالہ دانیال، لیاری بکرا پیڑی کے قریب گولی لگنے سے 20 سالہ فہد، لانڈھی گل احمد چورنگی کے قریب گولی لگنے سے 40 سالہ سفیر اللّٰہ زخمی ہو گیا۔

یہ بھی پڑھیئے: ہوائی فائرنگ، آتش بازی، ون ویلنگ سے متعدد افراد زخمی

نارتھ کراچی فائیو اسٹار چورنگی کے قریب گولی لگنے سے 20 سالہ زین، ناگن چورنگی کے قریب گولی لگنے سے 26 سالہ صائمہ، ناظم آباد خاموش کالونی میں گولی لگنے سے 18 سالہ اسماعیل اور لی مارکیٹ جونا مارکیٹ میں فائرنگ سے 40 سالہ عرفان زخمی ہو گیا۔

تمام زخمیوں کو جناح اسپتال، سول اسپتال اور عباسی شہید اسپتال منتقل کیا گیا جہاں انہیں طبی امداد دی گئی۔

کراچی پولیس کی جانب سے ہوائی فائرنگ کے مرتکب کسی شخص کی اب تک گرفتاری عمل میں نہیں آئی ہے۔

تازہ ترین