جوز بٹلر اور روہت شرما کی شاندار دھواں دھار اننگز کی بدولت انڈین پریمئر لیگ میں ممبئی انڈینز نے کولکتہ نائٹ رائیڈرز کو 6 وکٹ سے ہرادیا۔ کولکتہ ٹیم نے پہلے کھیلتے ہوئے پانچ وکٹ پر 187 رنز کا مجموعہ حاصل کیا۔
کپتان گوتم گمبھیر نے 64، منیش پانڈے نے 52اور آندرے رسل نے 36رنز بنائے۔ ممبئی نے ہدف4 وکٹ کے نقصان پر حاصل کرلیا۔ روہت شرما نےناقابل شکست 84رنز ، جوز بٹلر نے 41، پارتھیو پٹیل نے 23 اور مچل میک کلینگھن نے 20رنز اسکور کیے۔
دوسری جانب انڈین پریمیئر لیگ میں جمعرات کو گجرات لائنز اور رائزنگ پونے سپر جائنٹس مدِمقابل ہوں گے۔ راج کوٹ کے میدان پر ہونے والے اس مقابلے میں رائزنگ پونے سپر جائنٹس کی کپتانی مہندرا سنگھ دھونی جبکہ گجرات لائنزکی سربراہی سریش رائنا کریں گے۔
ایکشن سے بھر پور اور سنسنی خیز مقابلہ پاکستان کاپہلا نجی اسپورٹس چینل ”جیوسوپر“ پاکستانی وقت کے مطابق شام ساڑھے 7بجے براہ راست نشر کریگا۔
ادھر ممبئی ہائی کورٹ نے بھارتی ریاست مہاراشٹر میں شدید خشک سالی کے باعث انڈین پریمیئر لیگ کے 30 اپریل کے بعد ہونے والے تمام میچوں کو ریاست سے دوسری جگہ منتقل کرنے کا حکم دے دیا۔
فرمان الہی
نماز کے اوقات
