حیدر علی نے کیریئر کا نڈر آغاز کیا ہے، شاہد آفریدی

سابق کپتان شاہد آفریدی کا کہنا ہے کہ حیدر علی نے کیریئر کا شاندار اور نڈر آغاز کیا ہے، وہ ایک اسٹار بن رہا ہے۔

شاہد آفریدی نے اپنے ایک بیان میں کہا کہ پاکستان ٹیم نے ٹف ٹور کا اختتام اچھا کیا ہے، میں حیدر علی کو کیریئر کا شاندار اور نڈر آغاز کرنے پر مبارکباد دیتا ہوں۔

انہوں نے کہا کہ محمد حفیظ اور وہاب ریاض نے ٹی 20 کرکٹ میں ایک بار پھر اپنی اہمیت ثابت کی ہے۔

حیدر علی نے ڈیبیو پر ہی ریکارڈ بناڈالا

حیدر علی نے انگلش بولرز کی درگت بناتے ہوئے 4 چوکوں اور 2 چھکوں کی مدد 33 گیندوں پر 54 رنز کی اننگز کھیلی۔

واضح رہے کہ پاکستان کے نوجوان بلے باز حیدر علی نہ صرف ٹی ٹوئنٹی کرکٹ میں ڈیبیو پر سب سے بڑا اسکور کرنے والے پاکستانی کھلاڑی بنے بلکہ وہ ڈیبیو پر نصف سنچری کرنے والے پہلے پاکستانی بیٹسمین بھی بھی بن گئے ہیں۔

اس سے قبل پاکستان کی جانب سے ٹی ٹوئنٹی کرکٹ میں ڈیبیو میں سب سے بڑا اسکور عمر امین کا تھا جنہوں نے اپنے پہلے ہی میچ میں 47 رنز بنائے تھے۔