سنجے دت کی اہلیہ کا شوہر کو حوصلہ

مہلک مرض پھیپھڑوں کے کینسر میں مبتلا بالی ووڈ کے مقبول ترین اداکار سنجے دت کی اہلیہ مانیتا دت نے شوہر کو ایک جذباتی پوسٹ کے ذریعے حوصلہ دیا ہے۔

مانیتا دت نے اپنے انسٹا گرام اکاؤنٹ پر شوہر سنجے دت  کی ایک تصویر  شیئر کی جس میں وہ کالا چشمہ لگائے اور ہاتھ باندھے کیمرے کے سامنے پوز دیتے دکھائی دے رہے ہیں۔

سنجے دت پھیپھڑوں کے کینسرمیں مبتلا

بھارتی اداکارسنجے دت پھیپھڑوں کے کینسرمیں مبتلا ہوگئے۔ بھارتی میڈیا کے مطابق بالی ووڈ اداکار سنجے دت علاج کے لیے امریکا جائیں گے۔ ممبئی کے لیلاوتی اسپتال ذرائع کے مطابق چوتھے اسٹیج کے کینسر میں مبتلا سنجے دت کو میڈیا سے گفتگو کی اجازت نہیں ہے۔

تصویر پوسٹ کرتے ہوئے مانیتا دت نے بتایا  کہ زندگی کے اس مشکل مرحلے میں وہ اور ان کے اہل خانہ کس طرح متاثر ہورہے ہیں۔

انہوں نے اپنی پوسٹ  میں مشہور فلمی گیت کے بول لکھے اور اپنے جذبات کا اظہار کیا۔

رُک جانا نہیں تو، کہیں ہار کے

کانٹوں پہ چل کے ملیں گے سائے بہار کے

مانیتا دت نے لکھا کہ ’ہمیں اپنی زندگی کے برے دنوں کا سامنا کرکے ہی بہتر دنوں کو حاصل کرنا پڑتا ہے بس کبھی ہار نہیں ماننی چاہیئے۔

سنجے دت کی اہلیہ نے کچھ ہیش ٹیگز کا استعمال کرتے ہوئے بھی بتایا کہ وہ اور ان کی فیملی آزمائش کی گھڑی میں کس طرح مضبوطی اور ہمت و جرات کا مظاہرہ کرتے ہوئے ایک ساتھ کھڑے ہیں۔

یاد رہے کہ گزشتہ ماہ سنجے دت کو  تیسرے یا چوتھے درجے کے کینسر میں مبتلا ہونے کی اطلاعات سامنے آئیں تھیں اور اب ان کے علاج سے متعلق خبریں ہیں کہ ان کی پہلی کیموتھراپی مکمل ہوگئی ہے۔

سنجےکا علاج ممبئی کے اسپتال میں شروع ہوگیا: مانیتا دت

پھیپڑوں کے کینسر کا شکار بالی ووڈ اداکار سنجے دت کی...

بھارتی میڈیا رپورٹس کے مطابق سنجے دت کی دوسری کیموتھراپی آئندہ ہفتے 8 یا 9 ستمبر کے قریب شروع ہونے کا امکان ہے تاہم ابھی یہ نہیں بتایا گیا ہے کہ اداکار کو کتنی کیموتھراپی کی ضرورت ہے ۔

یہ بھی پڑھیے: کینسر کا شکار سنجے دت کی اہلیہ کا جذباتی پیغام

خیال رہے کہ بھارتی میڈیا کے مطابق پہلے سنجے دت نے علاج کے لیے امریکا جانے کا فیصلہ کیا تھا اور طبی بنیادوں پر 5 سال کے لیے امریکا کا ویزا حاصل کرلیا ہے بعدازاں انہوں نے اپنا علاج ممبئی کے کوکیلا بین اسپتال میں شروع کروالیا۔