آپ آف لائن ہیں
اتوار9؍صفر المظفّر 1442ھ 27؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پنجاب: وزیرخوراک کی ہدایت پر کارروائیاں، متعدد فوڈ پوائنٹس و بیکریاں سیل

وزیر خوراک پنجاب عبدالعلیم خان کی ہدایت پر پنجاب فوڈ اتھارٹی نے مختلف شہروں میں کاروائیاں کی جس کے ساتھ ہی صوبے میں کئی فوڈ پوائنٹس، بیکریاں اور اشیائے خورونوش تیار کرنے والے ادارے سیل کر دیے گئے۔

اس حوالے سے صوبائی وزیر عبدالعلیم خان نے پہلے ہی بتادیا تھا کہ پہلے مرحلے میں لاہور، ملتان اور فیصل آباد ڈویژن میں چیکنگ کی جائے گی۔

انھوں نے یہ بھی کہا تھا کہ اتوار کو تعطیل کے باوجود بالخصوص ناشتے اور روایتی کھانوں کے مراکز پر چھاپے مارے جائیں۔

عبدالعلیم خان کا کہنا تھا کہ زائد المعیاد اور ناقص اشیائے خورونوش فروخت کرنے والوں کی بیخ کنی کی جائے گی۔

صوبائی وزیر نے کہا تھا کہ صوبے بھر میں پنجاب فوڈ اتھارٹی کی سرگرمیوں کو خود مانیٹر کر رہا ہوں۔

انھوں نے یہ بھی کہا تھا کہ ملاوٹ کرنےوالوں سے نہ کوئی سفارش اورنہ ہی کوئی نرمی برتی جائے گی۔

قومی خبریں سے مزید